Harf Tum Apni Nazakat Pe Na Laana Harghiz,
Haath Bedad-o-Sitam Se Na Uthana Harghiz;
Tum Bhi Chori Ko Yaqeen Hai Na Kahoge Achchha,
Ab Humein Dekh Ke Aankhein Na Churana Harghiz!
* Bedad-o-Sitam: Oppression
Tujhi Ko Jo Yaan Jalwa-Farma Na Dekha,
Barabar Hai Duniya Ko Dekha Na Dekha;
Mera Ghuncha-e-Dil Hai Wo Dil Girafta,
Ki Jis Ko Kisu Ne Kabhu Va Na Dekha!
* Ghuncha-e-Dil: Bud Of Heart
* Girafta: Sad
Jag Mein Aa Kar Idhar Udhar Dekha,
Tu Hi Aaya Nazar Jidhar Dekha;
Jaan Se Ho Gaye Badan Khali,
Jis Taraf Tu Ne Aankh Bhar Dekha!
Ek Nazar Kya Mila Gaya Koi;
Ek Qayamat Utha Gaya Koi!
Main Darr Raha Hun Tumhari Nasheeli Aankhon Se;
Ki Loot Len Na Kisi Roz Kuch Pila Ke Mujhe!
Husn Baaton Mein Bhi Paida Kijiye; Saamne Aaina Rakha Kijiye !
Sar Kiya Zulf Ki Shab Ko To Sahar Tak Pahunche; Varna Hum Log Kahan Husn-e-Nazar Tak Pahunche! *Shab: Night
Husn Aur Ishq Hum Aagosh Nazar Aa Jaate; Teri Tasveer Mein Khinch Jaati Jo Hairat Meri;
Aaina Dekh Kar Wo Ye Samjhe;
Mil Gaya Husn-e-Be-Misal Humein!
Hum Hue Tum Hue Ki 'Meer' Hue;
Us Ki Zulfon Ke Sab Aseer Hue!
*Aseer: Prisoner, Captive
