Charagh-e-Husn-e-Yusuf Jab Ho Roshan;
Rahe Phir Kis Tarah Zinda Andhera!
Ab Tum Bhi Zara Husn-e-Jahan-Soz Ko Roko;
Hum To Dil-e-Betaab Ko Samjhaye Hue Hain!
Kya Husn Ne Samjha Hai Kya Ishq Ne Jana Hai;
Hum Khak-Nashinon Ki Thokar Mein Zamaana Hai!
Apni Surat Pe Bhi Nazar Rakhiye;
Aaina Haath Mein Agar Rakhiye!
Gulon Ko Chum Kar Aayi Saba Si Lagti Thi;
Thi Ik Nazar Pe Moattar Hawa Si Lagti Thi!
*Moattar - perfumed, fragrant
Aaye Ho To Ye Hijab Kya Hai;
Munh Khol Do Naqab Kya Hai!
Teri Aankhon Ka Kuchh Kasoor Nahi;
Haan Mujhi Ko Kharab Hona Tha!
Hum Hue Tum Hue Ki 'Mir' Hue;
Us Ki Zulfon Ke Sab Aseer Hue!
Is Sadgi Pe Kaun Na Mar Jaaye Ai Khuda;
Ladte Hain Aur Haath Mein Talwar Bhi Nahi!
Allah Allah Husn Ki Ye Parda-Dari Dekhiye;
Bhed Jis Ne Kholna Chaha Woh Deewana Hua!
