Hum Hue Tum Hue Ki 'Mir' Hue;
Us Ki Zulfon Ke Sab Aseer Hue!
Is Sadgi Pe Kaun Na Mar Jaaye Ai Khuda;
Ladte Hain Aur Haath Mein Talwar Bhi Nahi!
Allah Allah Husn Ki Ye Parda-Dari Dekhiye;
Bhed Jis Ne Kholna Chaha Woh Deewana Hua!
Kaun Si Ja Hai Jahan Jalwa-e-Mashooq Nahi;
Shaunq-e-Deedar Agar Hai To Nazar Paida Kar!
Yeh Zulf Agar Khul Ke Bikhar Jaye To Achha,
Is Raat Ki Taqdeer Sanwar Jaye To Achha;
Jis Tarah Se Thodi Si Tere Saath Kati Hai,
Baaki Bhi Usi Tarah Guzar Jaye To Achha!
Har Tarah Ke Jazbat Ka Elan Hain Aankhein;
Shabnam Kabhi Shola Kabhi Toofan Hain Aankhein;
Aankhon Se Badi Koi Tarazu Nahi Hoti;
Tulta Hai Bashar Jis Mein Woh Meezan Hain Aankhein!
Kal Chaudhvi Ki Raat Thi Shab Bhar Raha Charcha Tera;
Kuch Ne Kaha Ye Chaand Hai, Kuch Ne Kaha Chehra Tera!
Mujh Mein Hunar Kuch Khaas Nahi;
Saadgi Ke Siwa Kuch Mere Paas Nahi!
Jaane Kyon Doob Jata Hun Har Bar Inhein Dekh Kar;
Ek Dariya Hain Ya Poora Samandar Hain Teri Aankhein!
Kitna Haseen Chand Sa Chehra Hai, Uspe Shabab Ka Rang Gehra Hai;
Khudaa Ko Yakeen Na Tha Wafa Pe, Tabhi Chand Pe Taaron Ka Pehra Hai!
