Duniya Mein Itni Rasme Kyon Hain;
Pyaar Agar Zindagi Hai To Isme Kasme Kyon Hain;
Humein Batata Kyon Nahi Koi Ye Raaz;
Dil Agar Apna Hai To Ye Kisi Aur Ke Bas Mein Kyon Hai!
Chehre Kee Har Muskaan Ban Jaata Hai Koi;
Dil Kee Har Dhadkan Ban Jata Hai Koi;
Fir Kaise Jiyenge Ye Zindagi Unke Bin;
Jab Zindagi Jeene Kee Wajah Ban Jata Hai Koi!
Chup Chap Se Rehte Hain Wo Aksar;
Zulfein Bhi Suna Hai Ki Sanwara Nahi Karte;
Din Raat Guzarte Hain Un Ke Be-Chain Se;
To Chain Se Hum Bhi Guzara Nahi Karte!
Aap Kew Nigah Agar Meharban Ho Jaye;
Main Jis Zameen Pe Hun Wo Aasman Ho Jaye;
Hai Ab Bhi Aap Ko Shak Mere Ishq Par;
To Phir Ek Baar Mera Imtihan Ho Jaye!
Na Chain Aaye Jo Jeene Se To Marne Se Sukoon Hoga;
Mohabbat Hadh Se Badh Jaye To Lazmi Hai Junoon Hoga!
Pehli Mulaqaat Thi Aur Hum Dono Hi Be-Bas The;
Wo Zulfein Na Sambhal Paye Aur Hum Khud Ko!
Chandni Raat Badi Der Ke Baad Aayi;
Yeh Mulaqat Badi Der Ke Baad Aayi;
Aaj Aaye Hain Woh Milne Ko Badi Der Ke Baad;
Aaj Kee Raat Badi Der Ke Baad Aayi!
Hasraton Se Aapki Raah Sajaa Denge;
Sapno Kee Daulat Aap Par Luta Denge;
Na Hai Koi Phool Aaj Mere Damaan Mein;
Lekin Aapke Aane Par Palkein Bichha Denge!
Chahat Mein Dubne Ka Haq Sabhi Ko Hai;
Par Duniya Ke Samne Inkar Sabhi Ko Hai;
Beshak Koi Chupa Le Dil Kee Gehraiyon Mein;
Par Kisi Na Kisi Se To Pyar Sabhi Ko Hai!
Had Kee Had Se Guzrna Koi Aapse Seekhe;
Yun Mohabbat Mein Jaan Lutana Koi Aapse Seekhe;
Hum To Dil Dekar Bhi Aapke Ho Na Sake;
Dil Ko Dil Se Churana Koi Aapse Seekhe!
