Bacha Kar Sajda Say Tum Na Jo Paon Kheech Liye;
Issi Nishaan Par Rakh Diye Jabeen Na Kahi!
Bikhri Kitaabein, Bheegey Auraaq Aur Yeh Tanhai;
Kahoon Kaise Ki Mila Mohabbat Mein Kuch Bhi Nahi!
Ishq Qaatil Say Bhi, Maqtool Say Hamdardi Bhi;
Yeh Bata Kiss Say Mohabbat Ki Jaza Mangay Ga;
Sajda Khaaliq Ko Bhi, Iblees Say Yarana Bhi;
Hashr Mein Kis Say Aqeedat Ka Sila Mangay Ga!
Hosh-e-Haalat Pe Kabu To Kar Liya Maine;
Unhe Dekh Ke Phir Hosh Kho Gaye To Kya Hoga!
Gar Bazi Ishq Ki Bazi Hai Jo Chaho Laga Do Dar Kaisa;
Gar Jeet Gae To Kia Kehna Hare Bhi To Bazi Mat Nahin!
Kya Khabar Thi Hame Ke Mohabbat Ho Jaye Gi;
Hume To Bas Tera Muskurana Acha Laga Tha!
Wohi Wehshat, Wohi Hairat, Wohi Tanhai Hai 'Mohsin';
Teri Aankhien Mere Khawabon Se Kitni Milti Julti Hain!
Agar Mohabbat Ki Hadh Nahin Koi;
Dard Ka Hisaab Kyun Rakhoon!
Is Qadar Toot Ke Tum Par Humein Pyaar Aata Hai;
Apni Baahon Mein Bharien Aur Maar Hi Dalein Tum Ko!
Tapish Se Bach Ke Ghataon Mein Baith Jaate Hain;
Gaye Huyon Ki Sadaaon Mein Baith Jaate Hain;
Hum Ird Gird Ke Mausam Se Jab Bhi Ghabraayein;
Tere Khayaal Ki Chhaon Mein Baith Jaate Hain!
