Juda Kisi Se Kisi Ka Gharaz Habib Na Ho;
Ye Daagh Wo Hai Ki Dushman Ko Bhi Naseeb Na Ho!
Zamaana Mujh Se Juda Ho Gaya Zamaana Hua;
Raha Hai Ab To Bichhadne Ko Mujh Se Tu Baaki!
Main Jata Hun Dil Ko Tere Paas Chore;
Meri Yaad Tujhko Dilata Rahega!
Ek Wahi Shakhs Mujhko Yaad Raha;
Jisko Samjha Tha Bhool Jaunga!
Jaate Jaate Un Ka Rukna Aur Mud Kar Dekhna;
Jaag Utha Aah Mera Dard-e-Tanhai Bahut!
Khwab Ki Tarah Bikhar Jaane Ko Jee Chahta Hai;
Aisi Tanhai Ki Mar Jane Ko Jee Chahta Hai!
Hijr Insan Ke Khad-o-Khal Badal Deta Hai;
Kabhi Fursat Mein Mujhe Dekhne Aana Mere Dost!
* Khad-o-Khal - Features, Shape, Physique
Raat Hai Chand Hai Sitare Hain;
Be-Saharon Ke Sau Sahare Hain!
Guzre Waqt Ki Shayad Tujhe Khabar Kam Hai;
Mere Safar Mein Koi Tujh Sa Hum-Safar Kam Hai!
Kya Jald Guzarti Hain Shab-e-Vasl Ki Ghadiyan;
Ik Hijr Ka Din Hai Ki Guzarta Hi Nahi Hai!
