Dariya Mein Hai Sharab Ajab Ibtila Mein Hun; Main Bhi Husain Hi Ki Tarah Karbala Mein Hun!
Hum Intezar Karen Hum Ko Itni Tab Nahi; Pila Do Tum Humein Pani Agar Sharab Nahi!
Saaqi Sharab La Ki Tabiyat Udaas Hai; Mutrib Rubab Utha Ki Tabiyat Udaas Hai!
Sheesha-o-Jaam Pe Saqi Koi Ilzam Nahi; Teri Aankhein Kiye Deti Hai Gunahagaar Mujhe, Yaar Saqi Ho To Chalta Hai Abhi Daur 'Jaleel'; Kaun Kehta Hai Ki Peene Se Hai Inkaar Mujhe!
Kuch Bhi Bacha Na Kehne Ko Har Baat Ho Gayi; Aao Kahin Sharab Piyen Raat Ho Gayi!
Mai-Kash Bhula Sakenge Na Saaqi Ka Ye Karam; Girton Ko Us Ne Thaam Liya Hai Kabhi Kabhi!
Saaqi Ne Jo Pilayi Hamari Hi Thi Khareed; Hum Se Bhi Us Ne Daam Liya Hai Kabhi Kabhi!
Tumhari Aankhon Ki Tauhin Hai Zara Socho; Tumhara Chahne Wala Sharab Peeta Hai!
Tere Shabab Par Sada Karam Rahe Bahar Ka; Tujhe Lage Meri Dua Sharab La Sharab La!
Yahan Koi Na Jee Saka Na Jee Sakega Hosh Mein;
Mita De Naam Hosh Ka Sharab La Sharab La!
