Aao Purani Yaad Ke Shoalon Mein Taap Len;
Kitne Hain Haath Sard Mulaqat Ki Tarah!<
Mujhe Yaad Karne Se Ye Mudda Tha;
Nikal Jaaye Dam Hichkiyan Aate Aate!
Dil Dhadakne Ka Sabab Yaad Aaya;
Wo Teri Yaad Thi Ab Yaad Aaya!
Main Sote Sote Kayi Baar Chaunk Chaunk Pada;
Tamaam Raat Tere Pehluon Se Aanch Aayi!
Dil Abad Kahan Rah Paye Us Ki Yaad Bhula Dene Se;
Kamra Viran Ho Jaata Hai Ik Tasvir Hata Dene Se!
Jab Tujhe Yaad Kar Liya Subah Mahak Mahak Uthi;
Jab Tera Gham Jaga Liya Raat Machal Machal Gayi!
Dil Shab-e-Furqat Sukun Ki Justuju Karta Raha;
Raat-Bhar Deewar-o-Dar Se Guftugu Karta Raha!
Rakhe Rakhe Ho Gaye Purane Tamaam Rishte;
Kahan Kisi Ajnabi Se Rishta Naya Banayen!
Aaj Us Ne Hans Ke Yun Puchha Mizaz;
Umar Bhar Ke Ranj-o-Gham Yaad Aa Gaye!
Main Kinare Pe Khada Hun Toh Koi Baat Nahi;
Behta Rehta Hai Teri Yaad Ka Dariya Mujh Mein!
