Jo Tu Kahe To Shikayat Ka Zikr Kam Kar Den;
Magar Yaqeen Tere Vaadon Pe La Nahi Sakte!
Koi Tohmat Ho Mere Naam Chali Aati Hai;
Jaise Bazaar Mein Har Ghar Se Gali Aati Hai!
Apne Chehre Se Jo Zaahir Hai Chhupayen Kaise;
Teri Marzi Ke Mutabiq Nazar Aayen Kaise!
Tum Aasmaan Ki Bulandi Se Jald Laut Aana;
Humein Zameen Ke Masail Pe Baat Karni Hai!
Ghar Se Bahar Nahi Nikla Jata;
Roshni Yaad Dilati Hai Teri!
Azeez Itna Hi Rakho Ki Jee Sambhal Jaye;
Ab Is Qadar Bhi Na Chaho Ki Dam Nikal Jaaye!
Aarzoo Hasrat Aur Umeed Shikayat Aansoo;
Ik Tera Zikr Tha Aur Beech Mein Kya Kya Nikla!
Ye Samajh Ke Maana Hai Sach Tumhari Baaton Ko;
Itne Khoobsurat Lab Jhooth Kaise Bolenge!
Dil Bhi Toda To Saleeqe Se Na Toda Tum Ne;
Bewafai Ke Bhi Adaab Hua Karte Hain!
Itni Pee Jaaye Ki Mit Jaaye Main Aur Tu Ki Tameez;
Yaani Ye Hosh Ki Deewar Gira Di Jaaye!