Hum To Samjhe The Ki Ik Zakhm Hai Bhar Jayega;
Kya Khabar Thi Ki Rag-E-Jaan Mein Utar Jayega!
Hamare Aib Ne Be-Aib Kar Diya Hum Ko;
Yahi Hunar Hai Ki Koi Hunar Nahi Aata!
Daaman Tera Mujh Se Chhoota Milne Ke Haalaat Nahi;
Lekin Tujh Ko Bhool Sakoon Main Aisi Bhi To Baat Nahi!
Hamein To Un Ki Mohabbat Hai Koi Kuchh Samjhe;
Hamare Saath Mohabbat Unhen Nahin To Nahin!
Tu Bhi Saada Hai Kabhi Chaal Badalta Hi Nahin;
Hum Bhi Saada Hain Isi Chaal Mein Aa Jaate Hain!
Bhanwar Se Lado Tund Lehron Se Uljho;
Kahan Tak Chaloge Kinare Kinare!
Kya Kahoon Kis Tarah Se Jeeta Hoon;
Gham Ko Khata Hoon Aansu Peeta Hoon!
Us Ki Yaad Aayi Hai Saanso Zara Ahista Chalo;
Dhadkanon Se Bhi Ibadat Mein Khalal Padta Hai!
Sau Diye Jalaye Hain Doston Ke Angan Mein;
Phir Bhi Mere Angan Mein Har Taraf Andhera Hai!
Ye Gham Nahi Hai Ki Hum Dono Ek Ho Na Sake;
Ye Ranj Hai Ki Koi Darmiyan Mein Bhi Na Tha!