Thehri Thehri Si Zindagi Kyon Hai,
Meri Aankhon Mein Ye Nami Kyon Hai;
Jis Ko Aankho Se Door Rakhna Tha,
Aaj Qurbat Mein Phir Vahi Kyon Hai!
Kaun Aayega Yahan Koi Na Aaya Hoga;
Mera Darwaza Hawaon Ne Hilaya Hoga!
Main Tha Wafa-Sarisht Mujhe Thi Wafa Aziz, Wo Tha Bahana-Ju Use Khu-e-Baha Na Thi;
Yun Koi Mere Paas Se Ho Kar Guzar Gaya,
Jaise Kabhi Nazar Se Nazar Ashna Na Thi!
* Wafa-Sarisht: Disposition of constancy
* Bahana-Ju: one who seeks an excusedi
Ab Bhi Barsat Ki Raaton Mein Badan Toota Hai;
Jaag Uthti Hain Ajab Khwahishen Angdai Ki!
Barsat Ke Aate Hi Tauba Na Rahi Baaki;
Badal Jo Nazar Aaye Badli Meri Niyat Bhi!
Meri Aankhen Aur Deedar Aap Ka;
Ya Qayamat Aa Gayi Ya Khwab Hai!
Dhoop Ne Guzarish Ki;
Ek Boond Barish Ki!
Duniya Mizaz-Dan-o-Mizaz-Ashna Na Thi,
Duniya Ke Paas Zehar Bahut Tha Dawa Na Thi;
Roshan Tha Dil Mein Sirf Kisi Yaad Ka Charagh,
Ghar Mein Koi Bhi Roshni Us Ke Siwa Na Thi!
Khamoshi Se Musibat Aur Bhi Sangeen Hoti Hai;
Tadap Ai Dil Tadapne Se Zara Taskeen Hoti Hai!
*Taskeen: Satisfaction, Comfort
Kuch Aansu Ro Lene Ke Baad Nazar-e-Khwab Ho Gaya,
Main Tum Ko Yaad Karte Karte Gehri Neend So Geya;
Ragen Lakiren Ho Gayi Masam Nuqte Ban Gaye,
Badan Tumhari Yaad Mein Huruf-e-Nazm Ho Geya!