Raat Din Gardish Mein Hain Lekin Pada Rehta Hoon Main;
Kaam Kya Mera Yahan Hai Sochta Rehta Hoon Main!
Ye Auraton Mein Tawaif To Dhoond Lete Hain;
Tawaifon Mein Inhein Auratein Nahi Milti!
Haseen Teri Aanhken Haseen Tere Aansu;
Yahin Doob Jane Ko Jee Chahta Hai!
Tanz Ka Zehar Bhara Hota Hai Ab Baaton Mein;
Lutf Kya Aayega Logon Se Mulaqaton Mein!
Dilon Ka Zikr Hi Kya Hai Mile Mile Na Mile;
Nazar Milao Nazar Se Nazar Ki Baat Karo!
Mausam-E-Gul Humein Jab Yaad Aaya;
Jitna Gham Bhule The Sab Yaad Aaya!
Gila Bhi Tujh Se Bahut Hai Magar Mohabbat Bhi;
Woh Baat Apni Jagah Hai Ye Baat Apni Jagah!
Kaun Aayega Yahan Koi Na Aaya Hoga;
Mera Darwaza Hawaon Ne Hilaya Hoga!
Mujh Ko Khud Mein Jagah Nahi Milti;
Tu Hai Maujud Is Qadar Mujh Mein!
Jo Kuch Hua Woh Kaise Hua Jaanta Hun Main;
Jo Kuch Nahi Hua Woh Bata Kyon Nahi Hua!